Tarixlə yanaşı robototexnika ilə tanış ol!
“Suraxanı Gəmi Muzeyi” və “AzeRobot education” robototexnika tədris mərkəzi arasında olan razılaşmaya əsasən Suraxanı Gəmi muzeyinə ekskursiyaya gələn şagirdlər robototexnika master klasslarında iştirak edə biləcəklər.
Belə ki, qrup şəklində gələn məktəblilər və fərdi ekskursiyaya gələn balaca ziyarətçilər üçün master klasslar təşkil olunacaq. Master klass ərzində şagirdlər modulun ilkin anlayışları ilə tanış olacaq, seçdikləri robotu hazırlayıb, proqramlaşdıraraq, sınaqdan keçirəcəklər.
Məqsədimiz tarix və müasir texnologiya arasında körpü yaratmaqdır. Burada şagirdlər tarixin vacib mərhələlərini öyrənərkən, eyni zamanda, gələcəyin texnologiyaları ilə tanış olacaqlar.
Bu yanaşma, onlara keçmişdən ilhamlanaraq innovativ həllər yaratmağı və texnologiyanın tarixin inkişafına necə təsir etdiyini daha yaxşı anlamağı öyrədəcək.
Suraxanı Gəmi muzeyində keçiriləcək master klasslar barədə ətraflı məlumat almaq üçün 050 274 30 97 nömrəsi ilə əlaqə saxlaya bilərsiz.
