Robochallenge 2024

Robochallenge 2024

Komandamız bir neçə gün öncə Rumıniyada keçirilən Robochallenge yarışmasında ölkəmizi təmsil etmək üçün yollandı. 1-3 noyabr tarixlərində Rumıniyanın paytaxtı Buxarestdə keçirilən Robochallenge 2024 robot yarışmasında Azərbaycan Respublikası Gənclər Fondunun dəstəyi ilə 4 nəfərdən ibarət komanda ilə ölkəmizi təmsil edirik.
Qeyd edək ki, bu yarışma Avropanın ən böyük robot yarışlarından biridir və artıq 15-ci dəfədir keçirilir. Komandalarımız isə artıq 3-cü dəfədir ki, bu mötəbər yarışda iştirak edir. İlk iştirakımızda Mini Sumo kateqoriyasında ilk 3 yeri, ikinci iştirakımızda isə 1-ci yeri qazanmışdıq.
Bu il bu yarışmaya 25 ölkədən 175 komanda 964 robot ilə qoşulmuşdu.
AzeRobot komandaları yarışa mini sumo kateqoriyası üzrə qoşularaq, 4 robot ilə çıxış etdilər.
Komandalar müxtəlif döyüşlərdə uğurla iştirak edərək, II tura keçmişdir. Sonuncu turda məğlub olaraq, mübarizəni dayandırmışdılar. Yarışma zamanı rəqib olaraq, Kolumbiya, Meksika, Türkiyə, Litva və Azərbaycan ölkələrinin komandaları ilə mübarizə apardıq.
AzeRobot Education komandası olaraq, şagirdlərimizin beynəlxalq yarışmalarda iştirak etməsi onların texniki biliklərini artırmaqla yanaşı, qlobal səviyyədə təcrübə qazanma imkanı yaradırıq. Bu yarışmalar, şagirdlərə müxtəlif ölkələrdən olan həmyaşıdları ilə əlaqə quraraq, komanda işi, problem həlli və yaradıcı düşünmə bacarıqlarını inkişaf etdirməyə kömək edir. Bu unikal təcrübə onlara özünəinam qazandırmaqla yanaşı, geniş perspektiv açır.
Əgər övladınızın belə müsabiqələrdə iştirak edərək həm texniki bacarıqlarını, həm də beynəlxalq təcrübələrini artırmasını istəyirsinizsə, növbəti yarışlar üçün qeydiyyatdan keçməyi unutmayın!
Azərbaycanı beynəlxalq səviyyədə təmsil etmək bizim üçün böyük bir qürurdur və hər bir şagird üçün bu, xüsusi bir fürsətdir.