Komandamız Yaponiyada nailiyyətlər qazandı!

Komandamız Yaponiyada nailiyyətlər qazandı!

Komandamızın Yaponiya səfərində qazandıqları nailiyyətlər!
AzeRobot Education robototexnika tədris mərkəzinin mentor və şagirdlərindən ibarət 7 nəfərlik heyəti, dünyanın ən böyük robot yarışlarından biri olan “All Japan Robo-Sumo Tournament”-də ölkəmizi təmsil etmək üçün Yaponiyaya səfər etdi.
Bu qlobal miqyasda tanınan yarışmada iştirak üçün yalnız müxtəlif ölkələrdə keçirilən robot yarışlarının qalibləri dəvət alır. “Grand final” hesab edilən bu prestijli yarışda bizim komandalar da dəvət olunmuş iştirakçılar arasında idi.
7-8 dekabr tarixlərində Yaponiyanın Tokyo şəhərində keçirilən, sumo robotlarının gücü və strategiyası ilə rəqabət apardığı bu beynəlxalq yarışa bu il 293 komanda qeydiyyatdan keçmişdi. 
Bu il ölkəmizi təmsil edən 3 komandamız yarışa 2 kateqoriya ilə qoşulmuşdu.
Mini sumo kateqoriyası üzrə  2 komanda
Mega sumo kateqoriyası üzrə 1 komanda
Ən böyük uğurumuz mini sumo kateqoriyasında oldu. Mentor Mürşüdlü Fərid 4-cü yer tutaraq 5000 yen pul mükafatı qazandı.
Yarış zamanı təşkilatçılar, o cümlədən Yaponiyanın Təhsil və Rabitə nazirləri, “Fujisoft” şirkətinin prezidenti və digər səlahiyyətli şəxslər komandamızla görüş keçirərək nailiyyətlərimizi və hazırladığımız robotları yüksək qiymətləndirdilər. Ölkəmizin bu sahədə inkişafını təqdir etdiklərini vurğuladılar.

Yarışda iştirakımız üçün göstərdiyi dəstəyə və dünya miqyaslı yarışda ölkəmizi təmsil etməyi növbəti dəfə bizə layiq gördüklərinə görə Azərbaycan Respublikası Gənclər və İdman Nazirliyinə minnətdarlığımızı bildiririk.  
Bu qələbə bizim üçün böyük qürurdur! ????